لدواعي أمنيه

أنا مش بياع
بس خايف من البلديه
ومن ابو السباع
اللي نحله بيقرص فيه



أنا مش خروف وبقول ماء
وياريت حد بيسأل فيه
وحالف 100 يمين طلاق
ومش متجوز ولا عندي وليه




لا انا بكدب أنا متجوز
بس مراتي شديده شويه
بسيبها كتير في وشي تبوز
عشان تعيش وتستر عليه



أنا مش عارف ايه العباره
والناس بس مالها بيه
دانا لاغني ولا صاحب عباره
ولا ليه ضهر ومحسوبيه


أنا مش عارف أنا مين
وليه واخدني لدواعي امنيه
طب ليه واخدين البني ادمين
و100 حيوان في الشوارع مرميه

سلامي للجميع
رانيا الجبالي