صرخة جوع


جنب سكة القطر في ناس عايشين

بيمر بيهم العمر ودول قاعدين

بيعانوا كتير من الفقر ومش قادرين

وفي لحظه

جه عم محمد وأحمد والناس حواليهم قوموا

منقولش لحد ولا حد هيشكي همومه

وهناخد حق كان ضايع وجه يومه

وطلعت صرخه

من أم بتبكي ياناس مش قادره أعيش

مش راضيه تشكي وتقول خلاص معيش

وطلعت صرخه

من شاب ياعيني من غلبه بقي عجوز

من طفل بيصرخ وشبابه للجوع محجوز

والصرخه بتعلي كل مادا والقطر صوته يزيد زياده

والصرخه صوتها غطي علي صوت المحطه

أصلها مش صرخة الم دي صرخة جوع

صرخة جوع

رانيا الجبالي

ممكن أسأل ؟؟؟

ممكن أسأل

قالوا الشمس خلاص هترحل

قلت الضلمه بتبقي اجمل

جه الليل وفضلت اسأل

هي النجوم من القمر بتخجل

والورد ممكن في عوده يدبل

ممكن اسأل

الدنيا فجاه تبقي ضلمه

من غير نجوم أو قمر

جوه روحك تلاقي عتمه

واليأس جواك بقي شجر

أوراقه تكبر وفروعه تطول

ممكن أسأل

من غير طريق أمشي فيه

أو ارض احط رجلي عليها

من غير حبيب لما احزن ألاقيه

أو أم انسي همومي في ايديها

ايه في الدنيا ممكن يفضل

ممكن أسأل

من غير أمل في دنيا جايه

وماضي كله عاوزه انساه

ورده دبلت ومفيش مايه

وعودها دبل وضاع معناه

وروحها من حياتها بدأت ترحل

ممكن أسأل

ليه الشمس كتير بترحل

وليه الضلمه مبقتش أجمل

والليل بيجي وبطلت اسأل

ومفيش نجوم من قمر بتخجل

والورد كتير في عوده بيدبل

ممكن أسأل

لا تتركني وحيدة

امضي الي حيث لا اكون

بداخلي صراع بين العقل والجنون

أرفض عقلي وأتمني

لو ينتصر الجنون

فبداخلي ................

يصرخ حلمي متمردا

أخرجيني من ظلام نفسك

أطلقيني حرا متجددا

لأسكن غيرك وأهجر يأسك

لا........

حلمي لاتتركني وحيده

بدونك احيا بلا كيان

انتظر ستأتي دنيانا البعيده

وسنحيا في زمن الانسان

ارحلي .................

ارحلي عني أو أقتليني

طالما اشنقت لنور اراه

وانتي للنور لاتتركيني

وانا لاارضي بظلام الحياه

وانا.............

صدقني وانا لاارضي

ولكن سنري النور قريبا

ستتركني وتصبح بلاجدوي

لن تجد غيري حبيبا

سأرحل .........

سأرحل ولكن قبلها ذكريني

كم مره دافعتي عني

كم مره من يأسك أخرجتيني

فموتي ارحم من قربك مني

لا..............................

حلمي لاتتركني وحيده

بدونك احيا بلا كيان

انتظر ستأتي دنيانا البعيده

وسنحيا في زمن الانسان

سلامي للجميع

رانيا الجبالي

لدواعي أمنيه

أنا مش بياع
بس خايف من البلديه
ومن ابو السباع
اللي نحله بيقرص فيه



أنا مش خروف وبقول ماء
وياريت حد بيسأل فيه
وحالف 100 يمين طلاق
ومش متجوز ولا عندي وليه




لا انا بكدب أنا متجوز
بس مراتي شديده شويه
بسيبها كتير في وشي تبوز
عشان تعيش وتستر عليه



أنا مش عارف ايه العباره
والناس بس مالها بيه
دانا لاغني ولا صاحب عباره
ولا ليه ضهر ومحسوبيه


أنا مش عارف أنا مين
وليه واخدني لدواعي امنيه
طب ليه واخدين البني ادمين
و100 حيوان في الشوارع مرميه

سلامي للجميع
رانيا الجبالي

حساها

حساها
لا ابدا مش قادره احس بيها
هو انتي اساسا نكديه ولا عمرك هتحسي بفرح
انا مش بحب النكد بس كل حاجه حواليه نكد
انا بكون مبسوطه لما بلاقي كل الل حواليه مبسوطين احب اوي ضحكتي لما اضحكها عشانهم
ايه ياستي ما تعيشي لنفسك
نفسي
اه حققي كل اللي في نفسك
هتصدقيني يارانيا لو قلتلك اني كل احلامي وكل اللي في نفسي ان كل الناس تكون مبسوطه كتير بحلم اني اشيل الحمل عن ناس كتير بحب اريحهم بس للاسف مش بعرف ازاي
ولا هتعرفي انتي اساسا كتلة يأس وعلطول زعلانه ولعلمك انتي قريب هتتجنني
اتجنن
ايوه مستغربه ليه
ما هو انتي كل الحزن ده شايلاها جواكي وبلاقيكي رسمه ضحكه من بره بتقابلي بيها الناس
ايه ده انتي عاوزاني انكد عليهم
لا ازاي اتجنني اه بالحق تتمني ايه في 2009 تحققيه
بتمني ان معدش يكون في دم ونعيش في امان نفسي في الامان
امان طيب

قالوا الشمس خلاص هترحل
قلت الضلمه بتبقي اجمل
جه الليل وفضلت اسأل
هي النجوم من القمر بتخجل
والورد ممكن في عوده يدبل

ممكن ؟

رانيا الجبالي

مش حسه بحاجه

النهارده عيد ميلادي جوايا حاجات كتير بس للاسف مش عارفه ليه مش حاسه بحاجه مشاعر كتير بس مش لحد احلام كبيره بس برضه مش هتتحقق او معنديش امل كبير في تحقيقها انا عمري ما كرهت الحياه بس مش عارفه ليه من كام يوم كارهه اني اعيش وحاسه ان الحياه مفيهاش حاجه حلوه
اليوم بيعدي مش بحلم يجي اليوم اللي بعده لان نفس السيناريو اللي حصل في اليوم اللي قبله هيحصل بعده وبعده
عاوزه تغيير التغيير مش معناه اني ارتبط او احب او حتي اتجوز لا التغيير اني احس بالامان وسط الناس اللي انا عايشه معاهم اعيش في وسط ناس بحبهم ويحيوني انا عمري ما عملت حاجه وكنت مخيره فيها حاجات كتير كنت مجبره ومش بالغصب قلت اه عشان انا مش بحب اجرح حد او اضايق حد او اقول لا لان الحاجه دي فيها راحه لاهلي طيب وراحتي انا مين يدور عليها الناس فاكره ده استسلام ورضا بالامر الواقع بس انا بقول ان ده طالما بيسعدهم خلاص بس لحد امته هافضل افكر في الناس ومفكرش في نفسي انا بجد تعبت تعبت من العالم ده ومش عارفه اروح فين او اعمل ايه ؟ مش معقول هافضل كده وكمان مش عارفه اتغير
انا جوايا مجروح ومخنوق بركان ومش عارفه لو خرج هيحرق مين بس انا مش هارضي بكده هيفضل بركان خامد
في عيد ميلادي
مش حاسه بحاجه

رانيا الجبالي

الاسيره

ضاعت كل المعاني الجميله من حياتها وانطفئ نور وجهها وأصبحت شاحبة اللون ينظر اليها الناس من بعيد ولا يقدرون علي لمسها تنظر اليهم حالمه بأحد يحملها يدفع عنها القفص الذي يحاوطها من جميع الجهات ولكن الكل ينظر ولا يتحرك هل أصبحت أسيره ؟ ولكنها لم تتعود علي ذلك فهي كما نعرفها تنطلق بداخلنا نكتمها في بعض الاوقات ولكن لماذا دفعناها لتقع في الاسر ؟!! بعيونها الحزينه تنظر الي الشمس وتري النور يغطي علي المكان تبكي عندما تختفي الشمس وسط الغيوم في لحظة الغروب ولكن بكائها لايستمر طويلا لان الشمس لن ترحل الا الابد فستأتي مشرقه بنورها في اليوم التالي ولكن من اين سيأتي الامل والكل ينظر ولا يتحرك
صرخت بصوت عالي أفزع من يقف بجوارها اقتربوا من القفص فوجدوها تتأرجح ولا تقدر ولا تقدر علي الوقوف حاولوا مساعدتها ولكن من خارج القفص فشلت كل محاولات المساعده وبدأت تسقط علي الارض تنظر الي الناس من حولها وتسأل بعيونها الحزينه هل ستتركوني ارحل ؟ ! هل ستتركوني اترك هذا العالم ؟ حاول بعض الناس كسر القفص اوايجاد مفتاح له ولكن المفتاح مع كل الناس فلابد من الاعتماد علي كسر القفص استمر الناس كثيرا في المحاوله حتي كسر القفص نظروا اليها وحاولوا تحريكها ولكنها اصبحت جسد هامد يشعر بما يحدث حوله ولا يتحرك ولا يحرك ساكنا
بكي الناس ولكنهم بعد فتره قصيره تركوها وترك القفص مهشم بجوارها حرروها من اسرها ولكن بعد ان اصبحت جسد هامد هل ستقف من جديد لتكون حره بدون قفص يحاوطها هي بداخلها امل كبير في ذلك لان الشمس ترحل وتشرق في اليوم التالي وهي لن ترحل ستأخذ فتره سكون وتعود أقوي من البدايه
فلا تترك الحريه بداخلك وتكون انت قفص عليها اتركها تقودك الي ما تتمناه

الاسيره
رانيا الجبالي