فنان بجد بحب صوته اوي وكلمات اغانيه لما حد بيسألني بتحبي مين من المطربين دلوقتي بحتار وبلاقي نفسي بعد لكل مطرب او مطربه اغنيه لكن مش مطرب يجمع اغاني كتير تكون حلوه يعني لما ازعل اسمع مطرب ولما افرح اسمع مطرب تاني مش بلاقي مطرب اسمعه في كل الحالات غير فريد لما احب اضحك اشغل ياسلام علي حبي وحبك او يابوضحكه جنان ولو عاوزه احس بتفاؤل اسمع الحياه حلوه ولما افكر اسمع اغاني بنادي عليك ومجموعة اغنيه العاطفيه اللي بحس بجد ان ليها معني بس الاغنيه اللي بسمعها وبحبها جدا بس لسه مسمعتهاش وانا حساها هي قلبي ومفتاحه

مطرب وملحن وعازف بارع لألة العود، وصاحب أداء متميز في الغناء.. خلف تراثا كثيرا من الأغنيات والأفلام والألحان التي صنعها لنفسه ولغيره من المطربين والمطربات.

من مواليد 21/4/1917 بجبل السويداء "لبنان". ينتمي إلى أسرة لبنانية هي أسرة فريد بن فهد باشا بن فرحات بن إسماعيل آل الأطرش والتي ناضلت ضد الاستعمار، والتي هاجرت إلي مصر عام 1923 هربا من تنكيل الاستعمار بها بعد ثورة الأطارشة.

بدأت رحلة فريد الأطرش الموسيقية وهو في سن صغيرة جدا، حيث تلقي أول دروس الموسيقي هو وأخته المطربة أسمهان علي يد أمه، حصل علي شهادة البكالوريا، ثم تخرج من معهد الموسيقي العربية عازفا علي العود. قدم فريد الأطرش لعالم الغناء والموسيقي مايقرب من 500 لحن وقصيدة وأنشودة إلي جانب المقطوعات الموسيقية مما أهله للحصول علي أرفع الأوسمة من البلدان العربية.

في بداية حياته غني لحنين هما لحن من يوم ماحبك فؤادى – وياريتني طير وأنا أطير حواليك من الحان مدحت عاصم الذي يعتبر مكتشفه.

في عام 1940 اتجه إلي التمثيل السينمائي وكانت البداية في فيلم "انتصار الشباب" وبعد ذلك قدم للسينما حوالي 31 فيلما، ومن أهم تلك الأفلام : (أحلام الشباب – لحن الخلود – من أجل حبي – رسالة غرام – حكاية العمر كله – زمان يا حب – نغم في حياتي). كان فيلم "حبيب العمر" أول فيلم من إنتاج فريد الأطرش في مجال السينما

ومن خلال الأفلام كانت روائعه الموسيقية التي تضمنت ألحانه وتغني بها ومنها: (التانجو العالمي "يا زهرة في خيالي" – حكاية غرامي – أنا واللي بحبه – نجوم الليل – بنادي عليك – يا قلبي يا مجروح) أدخل الأوبريت في السينما المصرية و منها أوبريت "بساط الريح".

حصل علي أربع جنسيات عربية من (سوريا، لبنان، مصر، السودان)

في 6 مايو 1965 عين رئيسا لجمعية المؤلفين والملحنين.

حصل علي خمسة عشر وساما وقلادة ونيشانا، ومنح جائزة أعظم عازف علي العود في العالم العربي وتركيا عام1962

وفي 15 نوفمبر 1964 أهداه الملك حسين وسام الاستقلال مـن الدرجــة الأولي. في 15 مارس 1970 أهداه الرئيس جمال عبد الناصر وسام الاستحقاق من الطبقة الأولي. كما حصل علي قلادة الجمهورية اللبنانية عام 1974

توفي في 26/12/1974

سلامي للجميع

رانيا الجبالي

دعاء الشحاتين في رمضان

رمضان السنه دي أكيد مختلف عن السنه اللي فاتت من حيث عدد الشحاتين اللي زادوا

بطريقه خلت كل واحد يدور الصبح علي عيلته ويشوف حد نزل يشحت ولا لأ والاجمل

ان كل منطقه ليها ناسها وليها كمان دعواتها يعني لو ساكن في المهندسين او الزمالك

ندعيلك تغير العربيه والبت بتاعتك ترضي عنك وتتجوزوا ولو ساكن في بولاق او امبابه

يبقي ندعيلك تخرج من طابور العيش سليم ولسه صايم مفطرتش او لاخرالشهر تفضل

مراتك علي ذمتك ومتطلقش

زمان كنت تلاقي الشحات حتي لو أعمي يعرف اللي ادامه ست كبيره يبقي يدعيلها ان ربنا

يكفيها شر المرض ولو راجل يبقي ربنا يقدرك وتسعد عيلتك ولو بنت ربنا يكرمها وتلاقي

ابن الحلال اللي يهنيها لكن الغريبه ان الشحاتين في رمضان بيدعوا علي اللي كان السبب

في اللي همه فيه واللي الناس فيه ومن ضيقتهم بيدعوا ربنا ان الشهر ميكنش مبارك مواقف

كتير بتحصل بين الشحاتين والناس المواقف دي بتخلي الاخرس يتكلم واللي عامل نفسه

أعمي يشوف واللي بيعرج يجري ادامك زي الحصان

في الميكروباص اتنين بيتكلموا عن كادر المعلمين وليه الاداريين ميخدوش يقطع كلامهم

ايد بنت تتمد بورقه مكتوب فيها "خرساء وتعول ثلاث أطفال أيتام" الناس مشغوله بالكلام

وسايبين البنت الاداري مصمم انهم في منظومه تعليميه واحده ولازم يحصل فيها مساواه

والمعلم شايف ان قدراته أكبرمن الاداري لكن الاداري استغل الموقف وقاله لو كانوا بجد

واثقين في قدراتك مكنوش عملوا اختبارات للكادر الخاص الموضوع يكبر بينهم لدرجة

التشويح بالايد والصوت العالي والبنت تايهه في النص عاوزه الورق اللي في ايدهم عشان

تمشي الورق هيتقطع والبنت مش قادره تتكلم وبعد تدخل الركاب وتهدئة النفوس يتصالحوا

بكلمة رمضان كريم ويرد المدرس ده شهر مبارك يلا حصل خير فيجد الجميع صوت

صرخه عاليه يلتفت الجميع لمصدر الصرخه فيجدوا البنت الخرساء تجذب المدرس

والاداري من ايديهم وتاخد الورق وتصرخ " ما كل الشهور مبارك كمان شهر رمضان

مش بتاعنا هنشحت امته بئه " ينظر لها الركاب بفرحه البنت اتكلمت فتأخذ البنت الورق

وتسير بعيدا وتقول " ما هو الواحد يفضل اخرس لكن لما تقسموه في رزقه يتكلم

في الشارع رجل تخطي عمره الخمسون عاما يسير علي عكازليوهم الناس انه اعمي "

والنبي يابني اي حاجه تساعدني في الشهر الكريم ده" العامل لايلتفت له ويستمر في حديثه

مع احد الزبائن " بس ياسيدي هو ده كل اللي حصل وطلع الراجل منها ولا كانه عمل

حاجه " فيرد الزبون " ازاي بئه ده بيقولوا ناس كتير ماتت في الموضوع ده " فيعطيه العامل طلباته ويقول " يلا هو حد فينا هيفهم ايه العباره

"
فيرد الاعمي بدهشه " عباره " مع فتح العين فيصرخ في وجهه العامل "ايه ياعم الله يسهلك انت عاوز تودينا في داهيه خد ياسيدي ده شهر مبارك " فيتجه الاعمي ناحية العامل وكانه يراه ويرمي في وجهه الفلوس ويصرخ " مش عاوز مش عاوز حاجه انا

طالما شهر مبارك ادي فلوسك "

فينظر له الذبون بدهشه " ايه ده انت شايفنا"

فيرمي الاعمي عكازه ويجري وهو يقول " لازم اشوفكم دي وصلت للرزق كمان "وهو

في طريقه يصطدم برجل اعرج فينهره بشده ويقول "مش تأخد بالك من الناس الشحاتين

التعبانين " فينهض الرجل ويقول " اهي بانت البركه الراجل دعي انه يكون مبارك واول

ما أقابل أقابل شحات " فيقوم الاعرج ويجري بعيدا وهو يتمتم " ياريتني ما كنت قابلتك

ولا سمعت الكلام ده يارب متجعلوش شهر مبارك ويصرخ الرجل الاخر يارب متجعلوش شهر مبارك "

سلامي للجميع

رانيا الجبالي

شوية صور للستات

صور واشكال مختلفه للمرأه في المجتمع ولكن صورتها الاجمل وهي داخل المظاهرة فهي رافضه وثائره وفي بعض
الاوقات متصديه لرجال الأمن مردده بصوت عالي " ياجاي علي قوتي ياناوي علي موتي

حتي العيش وحشنا طعمه

وبنهتف يمكن يرضي علينا

وهو مين في بلدنا همه

كله عايش بيلطش فين

بهتف بكل قوتي وخايفه

صوتي يروح ومحدش يرد

وماشيه طريق وفي اخره عارفه

اني هادخل في حاره سد

لا والله ما انا ماشيه
بلدي ومش عارفه اعيش فيها
متعرفونيش انا اصلي طايشه
وممكن اجيب عاليها واطيها

هارفع في وشك جرادل فاضيه

عطشانه وهي في أرض النيل

مش هتفضل كتير بعطشها راضيه

هي بس صابره علي قلب عليل

أخوات وحبايب في الزنقه

وهنقعد كده ومش ماشين

ماهي أصل العيشه بقت خانقه

ومبقاش في تمن للبني ادمين

سلامي للجميع
رانيا الجبالي

احساسي

ساعات بسأل نفسي ايه اكتر حاجه حلوه في الدنيا دي وفي كل الاوقات مش بلاقي اجابه مش عارفه بئه لان الحاجات الحلوه كتير وتحير ولا لان مفيش حاجه حلوه في حياتي اليوم بعيشه بيومه بفكر في المستقبل زي كل الناس بس نفسي أعيش الحاضر في عالم نقي عالم بني ادمين انا بحلم كده اني أمشي في الشارع الاقي مفيش خناقات ولا صوت عالي ولا واحد بيضرب مراته وولاده ولا طفل واقف بيشحت والناس بتتفرج عليه
أنا افتكر زمان ايام ما كان فيه اريل قبل ما وصلة الدش والكلام ده يكون موجود طلعت مره فوق السطح لقيت عصفورين جمال اوي عاملين عش في الاريل كان بيدفيهم مرضتش اشيله لاني مبحبش اهدم حاجه حد عاملها حتي لو عصفورين صغيرين فضلت قاعده طلع بابا بحتة حديده وراح مطير العش طاروا مش عارفه زعلت علي العش ولا علي العصفورين لانهم رجعوا تاني في نفس الاريال يعملوا عش ويدوب جابوا اشايه الهوا طيرها كان نفسي اجبلهم العش واحطه لان يومها الجو كان برد اوي المهم فضلت قاعده تزلت عشان اتغدي لقيت ماما فتحت قصة واحده جوزها مغلبها معاها واخوه عاوز يشتري البيت ويطرد ولاد اخوه بره بمراته وجوزها اصلا مش مهتم بيهم وكل اللي يهمه السجاير والبانجو وبس افتكرت العصفورين اللي العش طار منهم وبدأوا يعملوا غيره المهم انه لازم يطير سواء نطيره بايدينا او يطير لوحده ده هم يبكي اللي يضحك ان ولاد الراجل ده مش لاقين ياكلوا فالولد الصغير طلع فوق السطح عشان يجيب بيض من عند الفراخ جدته شافته فخضته البيض اتكسر والاكل اللي كانوا هياكلوه ضاع
في بيت واحد ممكن تلاقي شقه بياكلوا لحمه وشقه مش بيلاقوا العيش الحاف فيه ناس يكلوا تلت طاقات وناس مش لاقيه طقه واحده
اللي يزعلك ان كل حاجه حواليك غلط او انت اللي ماشي غلط تعمل خير ويترد لك شر مش مهم المهم انك تعمل خير ولان البيت عندنا مفيش بيوت حواليه بحمد ربنا اني مش عايشه جوه البلد علشان ما اختلطش بالناس او الواقع لانه صعب اوي صفحات الحوادث كل يوم بتزيد كل يوم بنسمع عن مليون حادثة اغتصاب عن واحد قتل مراته او امه طب ليهليه منعش وغيرنا يعيش معانا ليه منخدش الاطفال اللي في الشوارع ونربيهم في بيوتنا ليه منحاوطهمش بحنانا
عارفين ايه اللي بيقلل الرحمه في قلوبنا ايه ان احنا بعد ما كل حاجه بسيطه بدأنا نعقدها مثال صغير وهو تشبيهي لو حد من الريف وكان بيخبز اسألي مامتك كده كانوا بيبططوا الرغيف بايديهم ومفيش حاجه اسمه بطاطه دلوقتي قيه بطاطه بتفرد العيش كانوا معظم الناس بيخبزوا في الفرن البلدي دلوقتي تقولك اشيل حطب واش طلع بعده الفرن الغاز وبعده بقه في كل بلد مخبز او اتنين الناس بطلت تطحن وتخبز وبقوا بيقفوا طوابير علي العيش وما ادراك ما طابور العيش من شتيمه وختاقات قولولي لما بتسمعوا نشرة اخبار ودانكوا ما اتعودتش علي خبر استشهاد فلسطيني او اتنين او تلاته او انفجار في العراق بقينا متعودين علي كده عشان كده احساسنا مات حاجات كتير بتحصل واحنا مش حاسين لحد ما هيجي يوم هنبقي فيه مش بني ادمين عاوز تحس بالناس انزل تحت كوبري انزل محطة القطر في طنطا او مصر
امشي في وسط الناس ودقق في ملامحهم انزل ميدان التحرير وشوف نوعيات الناس اللي فيه السياح والناس الهاي وكمان ممكن تلاقي واحده قاعده في ركن وبتقولك والنبي اجيب غداي النهارده او طفل هدومه مقطعه وقدامه طفل مبيتكلمش الا لغات
حاجت كتير اوي بضايق منها بس اللي بيضايقني اكتر اني مش بأقدر أعمل حاجه كل اللي بقدر اعمله اني متغيرش حتي لو كل الناس اللي حواليه اتغيرت بحلم بجد اني اقابل حد يفهمني ويفهم العالم الي نفسي اعيش فيه أنا منكرش انا ساعات بحب بس قمة ساعدتي اني الاقي الشخص ده مبسوط مع الانسانه اللي هو مرتبط بيها لان مفهوم الحب عندي برده مختلف مع معظم الناس اللي حواليه
مشاعرنا مش بايدينا ومش من حقي احرمها انها تميل لحد لكن زي ما بحترم مشاعري وميولها كمان احترم مشاعر الشخص اللي انا بحبه واحب سعادته
من الاخر كل اللي بحلم بيه في العالم اللي احنا عايشين فيه ده هو الامان بس للاسف مع انه حلم بسيط عمره ما هيتحقق الا اذا سبت العالم ده ورحت لعالم الموتي بيتهيألي هناك هلاقي الامان ومفيش أموات بتحارب بعضها عشان حاجه كلهم ميتين في سلام