انا
المصري
من غير فشخره
ولا رسم
من غير منظرة
بالاسم
انا المصري
المصريمن غير فشخره
ولا رسم
من غير منظرة
بالاسم
انا المصري
تحط ايدك في جيبي متلاقيش
غير بطاقه مكتوب فيها مصري
وجنبها هتلاقي حتة حشيش
وهتشوفني في قناة الشعب حصري
انا اللي اشتكي مني طابور العيش
وفي بلدنا بقيت بخاف من االشاويش
أي ميري يعدي جنبي أقوم احيي
واقوله ياباشا وهو اصله ميساويش
مراتي دايما صوتها عالي وبتولول
وكل ما دا في لسانها بتطول
ليها حق مفيش فلوس في ايديها
ما انا قولتلك مفيش معايا من الاول
انا المصري وكفايه كده قواله
مش هقولك فقر ولا مرض وبطاله
بس بعرف نفسي ليك بكل فخر
يلا قوم بسرعه اكتب واثبت حاله
من غير فشخره
ولا رسم
من غير منظره
بالاسم
انا المصري
ولا رسم
من غير منظره
بالاسم
انا المصري
.jpg)
10 comments:
رانيا بجد كل مرة بتتفوقي علي نفسك
وتصويرك لواقع المصري علي اد ماهو مؤلم الا اننا مانقدرش أبداا ننكر انه غير موجود
بالعكس موجود ويمكن بصورة افظع من الي موضحاها انتي
اتمني يتغير
ويعيش انسان
من غير فشخرة
ولامنظرة
طبعا لاكلام يعلو فوق روعة قلمك ووصفك
تحياتي
انتي كده شردتي المصري خالص
مع ان هو ده حاله فعلا
الموضوع مش محتاج فشخرة
جميييييييييييل جدا
ربنا يوفقك
الله عليكى يا رانيا
ماشاء الله بجد اسلوب رائع
نقلتى صوره للمصرى الحديث
الله يوفقك
والله يا رانيا يا اختى ... هو ده حال المصري يعني زودى على كدة ... كام واحد غرق ... وكام واحد أتحرق ... وكام واحد ربنا رحموا ومات من الغيظ ... يعني هو ده حالنا في مصر واللي ما يشتري يتفرج !!!
أخوكى
حمادة زيدان
الله ينور عليكي
انتي كده وصفتي المصري تمام
جميله القصيده فعلا
تحياتي وتقديري
لا حول ولا قوة الا بالله
ربنا ادانا فرصة لا يمكن تتعوض تاني
ادي بتوع غزة جولنا لاجئين....فارين بدينهم ودماءهم
زي المهاجرين أيام الرسول صلى الله عليه وسلم بالضبط
واحنا قدامنا الفرصة ان احنا نبقى الانصار...لو عملنا زيهم...
هل هانفوتها ؟؟؟؟؟؟؟؟؟؟؟؟؟؟
............
لا تنسوا
ـ التبرع
ـ التبرع
ـ التبرع
ـ المقاطعة
ـ الدعاء
.........................
وياريت تشاركونا في حملة أخلاقنا...إسلامنا
http://groups.yahoo.com/group/akhlakona/
أو مدونة...أنا إنسان
http://ana-insan.blogspot.com/
الموضوع كويس وتمام ومقدرش اعلق عليه او اجيب سرته بكلام
بس انتي مسبتش حاجه علي اي مصري كويس او غلبان
ياريت متجمعيش علي رغيف العيش علشان احنا صحاب فرن بس اتقفل من زمان
متستغربيش ايوه انا بقرر كلامك وبقول صحيح المصري غلبان
وفي اخر كلامي احب اسبلك دعاء
تفتكريني بي وتدعيلي اني اكون كسبان
بارك الله فيكي واطعمك اللحم والفريكي ونولك الراحت علي الاريكي
وادخلك الجنة مع ابي الصديقي
من :فيرس
هههههههههههههه
وجنبة حتته حشيش
اهم حاجة دي الله يخربيت الحشيش وسنينة الي بهدل الدنيا
بجد بجد وصفك جميل اوي اوي
وكفاية ان البطاة مكتوب فيها كلمة مصري الكلمة دي نحس
بتنحس اي حد
اما حكاية العيش
دي فبلاش منها خالص
محدش ياكل عيش كلا رز او مكرونة
هههههههههههههههه
مدونتك جميلة اوي اوي يا قمر وطريقتك جميلة اوي
كانت اول زيارة ليا عندك
عبدالرحمن
جميل والله الكلام دا يا ....رانيا
وكلام مظبوط والله
ولكن فى النهاية
اقول
لو لم اكن مصريا
لوددت ان اكون مصريا
ارق تحياتى
قلب ابيض
Post a Comment