اعلان
وظائف خاليه
مطلوب شباب كتير للعمل
في مشروع اسمه البطاله
وعشان شبابنا ميحسش بالملل
ولايبقي علي حد عواله
المشروع فاتح علطول
يعني الشاب اكيد شغال
مش هيلاقيه يوم مقفول
دي وظيفه ولا في الخيال
وعلي الفلوس متسألنيش
مش هتدفع فيه كتير
شاي وقهوه والبئشيش
اصل الدنيا لسه بخير
يلا بلغ كل الحته
خلاص ياعم هتبقي موظف
ومتمشيش مع اي حته
من النهارده خلاص استنضف
وفي الاخر علي العموم
حابين نشيل من همك
دا الحزن عمره ما بيدوم
خلاص ياعم معدش يهمك
رانيا ولاعزاء للعاطلين
وظائف خاليه
.jpg)
19 comments:
كعادتك رانيا بتحطى ايدك على الجرح
لكن بلمسة رقيقة وكلمة هادية لكن نافذة
لو تم نشر هذا الاعلان ستصبحى اشهر مدونة فى العالم
حوالى ستة مليون مصرى بس هيوقعوا عندك
ومين يزود يا بلد
أسمحيلى انافسك
واقدم اقتراح تانى للمجتمع العاطل
فى مشروع تانى غير البطاله
اسمه ارمى نفسك فى البحر
عشان الدنيا بقتت زحمة اوى
والمفتى هيعمل الى عليه
ويقول عليك طماااااااااااع
الاعلان يادكتور زهران بينتشر تقريبا كل يوم في جرايدنا ومع ذلك كل يوم بتزيد البطاله عن اليوم اللي قابله العيب مش في الجرايد ولا في الشباب ولافي الحكومه من الاخر مفيش عيب اصلا احنا حبينا مجتمعنا بشكله الحال وبكل الظواهر السلبيه اللي فيه وربنا يصبرنا عليه ومفيش حد من احزاب المعارضه المعلنه او الغير معلنه بيعمل حاجه كل اللي بيعملوه محاربة الحكومه وبس لمجرد اثارة بلبله في البلد ومفيش خطوه ايجابيه لحل مشكله واحده
المفتي جاب من الاخر وقال انهم طماعين عنده حق ماهو طبعا احنا عايشين في عز بنلاقي رغيف العيش كتير وكمان الشقق علي افه مين يشيل وياسلام علي الفلوس اللي في جيوبنا لا كل ده والمواصلات اللي قربنا نتخنق منها و و مش قادره اعد العز اللي احنا فيه كل ده ونسيب البلد ونمشي ليه اكيد طماعين الراجل مغلطش وشكرا لمشاركتك ياibnyosry
الاخت رانيا وصلت هنا بالصدفة
المهم مشروع البطالة مشروع هام جدا لانه يقوم على استثمارات كبيرة كثل الضياع والمخدرات والقمار والنوم والتخدير ووووو
هو اول خطوة في الفضاء يعني مو فضاء الخارجي فضاء الراض وهو امر نصله قبل غيرنا
دمتي بخير
اشكرك ياخ رائد وصفك للبطاله مظبوط وربنا يتولانا
ههههههههههههه بوست دمه خفيف فكرتى بادورات المجانيه اللى كنت منزلها
بس عندى تعليق
المفروض نهايه البوست تكون
لا عزاء للشغالين
والله يا رانيا الشغلانة دي من كترها مش عارفين نشكر الحكومة عليها ازاى ,,, أنا بفكر ابعت جوابات شكر لحكومة نظيف على أهتمامها النظيف بالشباب وبخاصة في فتح مجلات عمل البطالة ليل مع نهار........
تسلمي على البوست
أخوكي
حمادة زيدان
خلاص مابقاش يهمنا
ومابقاش حد ادنا
طالما هنبقي موظفين
حقيقي جميلة قوي يارانيا مبدعة بجد
في انتظار مزيدك
ممكن اعرف العنوان التقديم فين فى انهى قهوة
وصحيح انا عوز اعرف انى الان هل القهاوى هتبقه تخصصات يعنى الطب له قهوة والمحامين ولهم قهوة وكدة
احمد الجيزاوى
عندك حق والله يامحمد لاعزاء للشغالين فاتتهم وظيفه متتعوضش أما حماده فطبعا لازم نشكر الحكومه علي النعيم اللي احنا فيه ونتاكد ان العيب فينا مش فيها همه فاضين لنا الناس دي
وبطوط القمر اكيد معدش حد ادنا مشكلة البطاله اتحلت
ومعدش فيه مشكله والتقديم يأحمد في اي قهوه في مصر بس اللي بيقرق انه كله مع بعضه مبتفرقش انت واخد ايه يلا الحقوا قدموا وكمان من غير اوراق
تحياتي فعلا كلمات حقيقية من مشاعر حاسة حقيقي بالمشكلة
الاخت الشاعرة....عفوا
لماذا نتناقض مع انفسنا؟؟؟؟
ندعوا الى الحرية ونكمم افواه الاآخرين
ندعوا الى محاربة الفساد ونمارس استبداد الراى
ندعوا للحوار ونصادر حق الاخر
نرفع اعلامنا وشعاراتنا ونهاجم الاخر اذا رفع شعاره
كيف نلوم على الحكومه ظلمها وفسادها واستبداده
ونحن نمارس الاستبداد والاستبعاد فيما بيننا
اخيرا انا لا اهاجم ولا استفز
ولكن فقط اتساءل
أ حرام على بلالبله الدوح
حلال على الطير من كل صوب؟!!!!0
ارجو حذف كل تعليقاتى من مدونتك لا اريد اسمى فيها
الاخوانى رغم انفكم د/ عبد الخالق
قد اكون تجلت فى كتابة الرد الاخير ارجو المعذرة
الاحساس نعمه رجاء من كل مصري بيده ان يقدم يد العون الي ابناء بلده الا يتاخر لاننا نحن الشباب اصبحنا في خطر كبيرقد يؤدي بنا الي الهلاك جميعا برجاء نظره
ولكم فائق الاحترام
دي مجموعة كبيرة من مواقع التوظيف
علي الله تنفع
http://dalilaraby.infinites.net/twzeef.htm
موضوع رائع
Post a Comment